Poslovne vijesti - Makedonija

Бензините поскапуваат половина, дизелот еден денар

Малопродажната цена на бензините ноќеска на полноќ се зголемува за половина денар, додека дизелот и екстралесното масло за домаќинство поскапуваат за еден денар.

Ваква одлука донесе во понеделникот Регулаторната комисија за енергетика на редовната двонеделна седница посветена на корекција на цените на нафтените деривати.

Новата цена на Еуросуперот БС-95 изнесува 78,5 денари за литар, а на Еуросуперот БС-98 80 денари.

Литар Еуродизел ќе се продава по 70,5 денари, додека за литар Екстра лесното масло за домаќинство ќе треба да се издвојат 59 денари.

Истовремено донесена е одлука за поевтинување на цената на килограм мазут за 0,4 денари, со што новата цена на М-1 НС изнесува 40,535 денари по килограм.

Просечната цена на сурова нафта на светскиот пазар во изминатиот 14-то дневен период е за 1,3 % повисока од просечната цена на сурова нафта по која беа формирани тековните цени на нафтените деривати, додека курсот на денарот во однос на доларот е за 0,46 % понизок од курсот на доларот по кој беа формирани цените, стои во образложението на регулаторите.